भू–जोखिम प्राविधिक इकाई

दिगो समाधान परियोजनाको भू–जोखिम प्राविधिक इकाईले भू–जोखिम र स्थानान्तरित स्थानहरुको भौगोलिक मूल्यांकनको निरीक्षण गर्दछ र सचिवालयभित्र समग्र भू–जोखिम सम्बन्धि प्राविधिक सहयोग प्रदान गर्दछ । यसको साथसाथै, यस इकाईले राष्ट्रिय पुनर्निर्माण प्राधिकरणलाई कार्यक्रमका योग्य लाभग्राहीहरुले खरिदको लागि छनोट गरेका जमिन सुरक्षित छ कि छैन भन्ने प्रमाणित गर्ने कार्यमा पनि सहयोग गर्दछ ।

यस इकाईले वर्ग २ अन्तर्गतको भू–जोखिमको जोखिम न्यूनिकरणको कार्यको लागि राष्ट्रिय डिजाइन मानकको प्रचार गर्न राष्ट्रिय पुनर्निर्माण प्राधिकरणलाई सहयोग गर्दछ ।

सापेक्ष जोखिम मापन प्रणाली

यस प्रक्रियाको उद्देश्य जोखिमयुक्त वातावरणहरुमा अवस्थित समुदायहरुको पहिचान गरी संचार रणनिति, हस्तक्षेपको प्राथमिकिरण र वर्षाको तयारी जस्ता विषयहरुमा उनीहरुलाई योजना बनाउनका लागि सहयोग गर्नु हो । लिइएको जोखिमको मूल्यांकन विशेष गरी पहिरोको जोखिमसँग सम्बन्धित रहेको छ । (उदाहरणका लागि बाढि र भूकम्प प्रबद्र्धनको विपरीत )

जोखिम मापन केबल राष्ट्रिय पुनर्निर्माण प्राधिकरणको भू–जोखिम मूल्यांकनद्धारा वर्ग २ (ति भू–जोखिमहरु जसमा परिवारलाई स्थानान्तरण नगरेर पनि जोखिम व्यवस्थापन गर्न सकिन्छ ) र वर्ग ३ (परिवारलाई सुरक्षित स्थानमा स्थानान्तरण गरेर मात्र जोखिम व्यवस्थापन गर्न सकिन्छ) मा वर्गीकरण गरिएका समुदायहरुमा मात्र गरिएको छ ।

मापनको १ देखि ५ सम्मका अंकहरु चारै वटा घटकहरुको लागि विकास गरिएको थियोः

• उच्च जोखिम (अथवा जोखिमको परिमाण)
• जोखिम हुनसक्ने सम्भावना
• प्रत्यक्ष जोखिम (अथवा खतरामा रहेका तत्वहरुको संकेत)
• सम्भावित प्रभाव (अथवा जोखिम)

त्यसपछि जोखिम अंक प्राप्त गर्नको लागि प्रत्येक घटकहरु गुणा गरिन्छ जस्मा जति उच्च प्राप्तांक हुन्छ, संम्भावित जोखिम पनि उच्च हुन्छ ।